منتديات اللاعب العراقي عماد محمد

مرحبا بكم أعزائنا الزوار

نود أبلاغكم بأن رابط المنتدى تغير الى الرابط التالي

www.emad7.tk

www.emad7.tk


    احلى نكت عراقية

    شاطر
    avatar
    المرعب
    مدير المنتدى
    مدير المنتدى

    ذكر
    عدد الرسائل : 50
    العمر : 26
    العمل/الترفيه : حامي للوطن _ فروسية
    المزاج : رومانسي جدا
    تاريخ التسجيل : 30/07/2008

    احلى نكت عراقية

    مُساهمة من طرف المرعب في الأربعاء أغسطس 13, 2008 12:28 am

    أمريكي صار وية جيش المهدي... كتب عالمدرعه مالته (ياهمر بني هاشم).
    بوش سأل كلينتون: شسوي وية الشيعة؟ گله: مثل ما سويت آني ويه مونيكا ..إلزم الصدر.
    دليمي راكب بهليكوبتر... گال للكابتن: بروح أبوك ماتطفينه المروحه الفوك.. تراهه بردت شويه.
    واحد راح يشتري دوه لأبوه من الصيدلية، رجع لگاه ميت، گال: شوف السخيف.
    بدوي بأمريكا شاف بعير گال: يمه شنو هالوحش !! التفت له البعير وگلله: علينا يا عبود؟

    لبناني تعرف على وحده صينيه، گاللها: شو إسمك؟؟ گالت: مي ـ شان ـ شو.. گال: ميشان نتعرف.
    حرامي كمشته وحده سمينه حيل، نامت عليه وگلت لزوجهه: بسرعه .. خابر الشرطه .. گاللها زوجها: هوه شگد الرقم؟؟ گلله الحرامي: 111 بسرعه يمعود.
    سألوا دليمي: انته _اتدخن ؟؟؟ گلهم: والله من امشي ما اباوع ورايه.
    كردي لگه كنز.. گال: بقت بس الخريطه.
    محشش خابر الشرطة، گاللهم: انباگ الدشبول والستيرن مال سيارتي.. وره شويه خابرهم گاللهم: العفو شباب سامحوني ... جنت گاعد بالمقعد الخلفي.
    كردي سمع انه الجزر يقوي النظر.. راح اشتره گونية جزر وگعد يتباوع عليهه.
    محشش فتح الثلاجه شاف الجلي يرجف گلله: لا تخاف ما آكلك.. جيت اشرب مي بس.
    مصري اشتغل حمله دار .. گال للحجاج: إزا شديتوا حيلكو معايه نرگع أبل العيد بإزن الله.
    مصلاوي مات ابوه... گلله المغسلچي انطيني 1000 دينار مال الغسل. گال: إشدعوه؟؟ قابل مغسل بي أمي ؟
    أكو فد گمل وگملايه ستوهم متزوجين گاللهه: وين تحبين تگضين شهر العسل؟؟ گالتله: يمدحون بشعر هيفاء وهبي.
    وحده تگل لزوجها: جيراننا كل ما يطلع يبوس مرته، ليش ما تسوي مثله؟ گللهه: تعتقديهه توافق؟؟
    مصلاوي واگف بالبلكونة... إبنه إجه من بعيد يصيح: بابا بابا بابا بابا... گاله: ولك .. ابن الكلب.. بابه وحده كافي.
    مصلاوي مات... لگوا بوصيته مكتوب ( آني غاسل.. لا تغسّلوني ).
    تلاثه من الناصريه رادوا يبوگون بنگ، فقسموهه بيناتهم: واحد يبوگ و واحد يراقب ........ وواحد يروح يبلغ الشرطة.
    تاجر مخدرات كردي كتب على باب الگهوه مالته : يوجد لدينا طحين نقي جدا (من اللي بخبركم).
    شيخ جامع من الناصريه قرريسوي محاضره للعميان عنوانهه: نعمة البصر.
    جبان سمع صفارة الانذار، شرد.. گالوله: تره ديجربوهه گال: واني همينه دا اجرب الشرده.
    (شجر كلو فلفل، نهر كلو فلفل، حور عين كلو فلفل) ... شيخ جامع بالهند يوصفلهم الجنه.
    واحد احول ماشى بجنازة امه يصيح: آخ... ياويلي.. هم امي وهم خالتي .
    بياع شرّه مال سيارات گالوله: المهر مال بتنه خمس ملايين، گال: مَيصرّف.. حصّلت وحده بمليون وحامل.
    أحول تزوج على مرته... طلعت هيه نفسهه.
    واحد باگ سياره.. راح يبيعهه انباگت منه.. گالوله: بيش بعتهه گال: بفلوسهه.
    خروف خانته نعجة، وگف تكسي ... گلله اقرب مطعم باچه... أخره بهيچ حياة .
    .
    واحد غابت روحه صاحوا الناس: جيبوله مي .. گال: ماكو سفن؟
    جريده بالناصرية نشرت صورة واحد يعبّر فد أعمى الشارع، كتبوا جواهه (متى تنتهي هذه الظاهرة؟)
    واحد متدين صاحبته گللتله: أهلي ماهُمّه بالبيت، تعال يمي.. گاللهه: إذا خايفة أقري المعوذتين.
    .
    دليمي قرة بالجريده إنه بالصين كل دقيقه ينولد طفل.. گال: هذا التطور، خو مو مثلنه كل 9 أشهر.

    أحول يتحارش بوحده حوله گاللهه: اللي عاليمنه أحلى وحده.. ردت عليه : أما صدگ إنتو جوگه مال أدبسزيه.
    .
    دليمي مخيم بالصحراء، دخل عليه واحد گلله: آني تعبان من الشمس.. گلله: تشرفنا ، وأني حمادي من الأرض.
    كردي سأل صاحبه: هيه مصر بعيده؟؟ گلله: ما أعتقد، لأن المصري اللي بصف محلي يوميه يجي عالبايسكل.
    كردي حزّر صاحبه، گلله: اذكرلي اسم حيوان برمائي.. گلله: تمساح.. گلله: بعد حيوان ثاني.. گلله: تمساح ثاني.
    طالب بدوي، گلله المعلم: إذكرلي اربع حيوانات.. گلله: چلب وتلث بعران إستاد.

    61) واحد من المنصور أبوه هداله كتاب ديني.. رجع ورة إسبوع لگاه متحجب.
    62) سوداني سجل بمدرسة مسائي، كلما ينطفي الضوه يضحك.. حتى لايسجلوه غايب.
    63) واحد أفرار من الجيش گطعوله آذاناته، گام يكثر من أكل الجزر.. گالوله: ليش؟؟ گال: إذا ضعف نظري وين أعلگ النظارات؟
    بدويه بمحو الأميه.. گللتلهه المعلمه: أريد جملة فيها (إدغامٌ بـِغـُنـّة) گالتلهه :عمن يعميچ.

    أكراد زوّروا أبو العشرتالاف كشفوهم شلون؟ لأن كاتبين عليه: أم عشرة __ألف.
    كردي راح يصلي بالصحن مالت النجف ، طبت جنازه، گال: إيه.. يمكن أجه العشة.

    وحده گلت لرجلهه: تره 1هذا الولد يأشرلي.. گلله لاتوكفيله .. دوسيلها.
    حرامي نجح إبنه، گلله: إبني شنو رايك بسيارة الجيران؟
    غنام، بليلة الدخله ما لگه موضوع يحچي بيه، گال للعروسه:ماعندچ علم إذا أكو طليان للبيع منا؟ مناك؟؟
    واحد بالمطار كمشوا عنده بودرة بيضه.. گالوله: شنو هذي هيرويين؟؟ گال: لا هذي جمرة خبيثة، الهيرويين هنا بهذا الجيب.

    واحد تعارك ويه مرته، گطفهه من الشباچ، وكعت بالشارع، شافهه فد سكران، گام باسهه.. هيه هم باسته.. السكران صفن... گال: عجيب، بعدهه تشتغل ليش ذابيهه؟
    الصوماليين رجعوا شاحنات المساعدات مال الأدويه للكويت.. گالوا شنسوي بيهه إذا كلهه وره الأكل؟؟
    دليمي قدم على وظيفه گالوله: شنو شهادتك گال: ابتدائية، وأعرف واحد يدرس بالصناعة.


    قاضي بالناصرية حكم على أحول يلظم أبر خياط مؤبد.
    واحد من المنصور دزه أبوه يشتري طلي، راح جاب واحد كلش ضعيف، گلله أبوه: بابا ليش جبته ضعيف؟ گلله بابا ماعليك بالجسم، شوف العيون!!
    مدرس سأل طالب كردي گلله :إبني شتصير من تكبر؟ گلله: شايب إستاد.
    ثنين سكارى، واحد منهم عثر گال: بسم الله.. الثاني گلله شلون تگول هيچي؟؟ إحنه مو كفار؟؟ گللـه: إي صدگ.. لعد أستغفر الله.

    .
    دليمي گال لأبوه: يابه أريد أدرس برّه.. گال له: خللي أمك تفرشلك بالطرمة.

    دليمي گال لمرته: اليوم أريد منّچ رومانسيات، خابرت لأمه سألتهه: شنو رومانسيات؟؟ گلتلهه: والله يمه ما أعرف، بس للإحتياط نگعي الباكلله وإسلگي اللحم.
    عشرة أكراد خطفوا طياره فارغه واتصلوا بالحكومه: إذا ماتنفذون مطالبنا تره كل ساعه نقتل واحد مننا.
    عجمي عطس يم مصري ، ترس وجهه تفال، المصري گاله : أنته أرفتني، الكردي رد: والله ..يمكن أأرفك بس ناسيك؟
    واحد أبوه دجال، سأله المعلم: شنو أدوات النصب.؟ جاوبه: لحية وسبحه 101 إستاد.


    كردي فاتته التاتا.... لحگهه بتكسي.

    مدير نادي تأهيل المعوقين من الناصرية، أول ماتعين گاللهم: حضروا حالكم.. باچر عدكم سباق طفرموانع.
    واحد ديتعرف على بنيه.. گلهه تشربين؟ گالت: لا.. زين تدخنين؟.. هم لا ، عندك علاقات؟ لا.. گال : معقوله ؟؟ گالت: ملليت من هالشغلات.
    واحد گال لصاحبه: تكتم السر؟؟ گلله: سرك اببير.. گلله: زين تداينني چم فلس؟.. گلله: شوف؟ ولا چني سمعت.

    وحدة إبنهه ضاع منهه بالسوك، گامت تبجي.. گالولهه: إذا إبن حلال ميضيع.. گالت: ياويلي!! راح الولد.
    أبو معرض سيارات بالبياع..سألوه: منو أفضل المطربين بنظرك؟ گال : مايكل داتسون و مازدا الرومي.


    واحد صادقله مخلوق فضائي، گلله: صدك الدقيقة عدكم بمليون سنه عدنه؟؟ گلله أي، گلله: زين وصدك الدينار عدكم بمليون عدنه؟؟ گلله: هم أي.. گلله: زين ماتنطيني فد دينار.. گلله: انتظر فد دقيقة.
    حشاش راح للبنزينخانه گللهم: أريد قنينة غاز.. گالوله: روح جيب وحده فارغة.. گال:لا ..أشربهه هنانه.
    .







    دليمي راد يطور الموبايل گآم حط بدال الدگم سحابة.
    واحد ناصرية جبروه يتبرع بربع راتبه لدعم الانتفاضة، گام تبرع بالباقي لأسرائيل._


    ناصريه شاف واحد يصيح: راح أغرگ الحگلي يمعود ... گاله: أخي هذا يومك وهذي إرادة رب العالمين... تعذرني.
    دكتورگال لمريض: مع الأسف ماباقيلك غير عشرة وتموت.. گاله المريض: عشرة شنو؟؟ أيام.. أسابيع شهور ؟؟ رد عليه الطبيب : تسعه....ثمانية.... سبعة.....
    كنغر سأل مرته: وين الولد؟ گالتله هذا بجيبي.. گالهه لا والله جديات..مو وكت شقه، وينه؟
    .


    احول دخل بالجيش ... حطوه بقسم القصف العشوائي.
    تاجر مصلاوي شاف روحه يوزع فلوس بالحلم، _صحه من النوم گال التوبه إذا أنام بعد.
    واحد متدين بالجديد أتصل على الأم بي سي گالوا له: شتحب تسمع؟ گال مقطع من اذان المغرب بصوت مايكل جاكسون .


    _________________
    يا اسود الرافدين نبقه نحبكم


    و ما راح ننساكم









    يا عراق اصبر لان لكل مشكله اله حل






    بالروح بالدم نفديك يا عراق

    بالعلم والتعاون نبنيك ياعراق
    avatar
    عاشق العراق
    نائب المدير الأول
    نائب المدير الأول

    ذكر
    عدد الرسائل : 30
    العمر : 26
    الموقع : www.mr-asad.yoo7.com
    العمل/الترفيه : لاعب كره قدم على نت
    المزاج : رومانسی الئ ابعد الحدود
    تاريخ التسجيل : 19/08/2008

    رد: احلى نكت عراقية

    مُساهمة من طرف عاشق العراق في الثلاثاء أغسطس 19, 2008 11:49 pm

    مشكوووووووووووووووووووووووور

    حبيبي
    المرعب

    اخوك عاشق العراق

      الوقت/التاريخ الآن هو الأحد سبتمبر 24, 2017 5:44 am